Con motivo da Semana Mundial da Calidade, Expourense organiza, co patrocinio de Galicia Calidade a Xornada de exaltación da calidade en Galicia. No marco desta xornada fíxose entrega dos premios “LÍDERES EN CALIDADE DE GALICIA”. O recoñecemento a Daveiga, empresa elaboradora das galletas mariñeiras, convértea en líder en alimentación dentro da Comunidade Autónoma galega, destacando entre todas as empresas do sector Agroalimentario de Galicia, polo pola súa aposta pola Calidade a través da implantación dun Sistema Integrado de Calidade, Medioambiente e Seguridade Alimentaria. Sendo empresa pioneira na implantación dende o ano 2008, das certificacións ISO 9001, ISO 14000, ISO 22000 e IFS.
Previo á entrega de premios, as empresas distinguidas como “Líderes en Calidade” presentaron as súas experiencias en modelos de Xestión en Calidade e Medio Ambiente. As empresas participantes e, polo tanto, premiadas foron:
- Sector Agroalimentario: Lugar Daveiga S.L.L. (Chantada- Lugo).
- Sector Sociosanitario: Complexo Hospitalario Universitario de
- Santiago de Compostela (CHUS).
- Educación: Colegio de Santa Teresa de Jesús- Carmelitas de
- Ourense.
- Aposta polo Medio Ambiente: Hijos de Rivera (A Coruña)
- Aposta pola Internacionalización: Serviguide (A Coruña)
RECOÑECEMENTO MOI BEN RECIBIDO EN DAVEIGA
“Loxicamente calquera premio ou recoñecemento sempre é recibido con alegría, pero neste caso para nós é moito máis significativo, xa que con este premio recoñécese a nosa aposta estratéxica pola calidade, dende os inicios do proxecto, sendo esta unha das principais señas de identidade de DAVEIGA. Valoramos tamén e é un orgullo para Daveiga que o recoñecemento sexa proposto por axentes/ organizacións de recoñecido prestixio e verdadeiros referentes no ámbito da xestión da Calidade; Galicia Calidade, Aenor e os membros do Comité executivo da Fundación Expourense”
OUTROS PREMIOS/ RECOÑECEMENTOS
Este premio súmase a outros recoñecementos que tivo DAVEIGA noutros ámbitos da sua actividade:
Premio á excelencia empresarial en Responsabilidade Social no IV Concurso Transfronteirizo Galicia-Norte de Portugal organizado pola Fundación Ceo de Ourense.
Mención no XXII Concurso de Innovación Tecnolóxica celebrado na XXXI edición da Feira Internacional da Semana Verde de Galicia.
As Mariñeiras foron recoñecidas cunha estrela polo International Taste & Quality Institute (iTQi), Bruxelas abril de 2009. Outorgada por un panel de cata internacional composto por chefs de máis de 12 países.
Premio “Sabor del año 2010”. Madrid, novembro 2009, trala valoración dun panel de cata composto por 120 consumidores.
