A participación de DAVEIGA produción responsable na feira Alimentaria de Castela e León, que se celebrou en Valladolid foi recollida polos principais medios de comunicación da cidade, como El Norte de Castilla e El Mundo, que destacaron a novidade. Tamén se fixeron eco da nova na sección de finanzas de Yahoo.

En Galicia La Voz de Galicia destaca a presenza das galletas mariñeiras na campaña que está a realizar en colexios o Consello Regulador da Agricultura Ecolóxica de Galicia.

Nestes días tamén prestou atención ao proxecto de DAVEIGA o programa da Radio Galega “Crónica Economía”

DAVEIGA produción responsable participa coas súas galletas mariñeiras na feira “Alimentaria Castilla y León”, que se celebra en Valladolid do 15 ao 18 de marzo e que constitúe a principal feira do sector da alimentación que ten lugar na comunidade veciña.

Coa súa presenza en Valladolid DAVEIGA produción responsable comeza a súa expansión polo resto de España, despois de que nos primeiros anos de actividade centrase a súa comercialización fundamentalmente en Galicia, con pequenas incursións nos mercados de Madrid, Castela A Mancha, Andalucía, Cataluña, Murcia e Portugal.

Ademais das galletas mariñeiras tradicionais, en Valladolid estarán presentes as novas modalidades elaboradas con fariña de alga wakame e as ecolóxicas elaboradas con aceite de oliva, recentemente incorporadas á gama de produtos da empresa.

Coñecidas como “pan mariñeiro”, “pan de barco” ou “biscoito”, as galletas mariñeiras abasteceron aos grandes navíos dende o século XV. Era a mellor forma de conservar o pan nas grandes travesías. Daquela eran as fábricas de Neda as que provían deste produto aos barcos da armada radicados no porto de Ferrol. As galletas mariñeiras volveron ao mercado, tras séculos de ausencia, da man de DAVEIGA produción responsable, empresa radicada no concello lucense de Chantada e que comezou a súa andadura no ano 2005.

Recentemente DAVEIGA produción responsable converteuse na primeira empresa do sector agroalimentario galego en recibir os certificados de Seguridade Alimentaria (ISO 22000 e IFS); de Calidade (ISO 9001) e Medio Ambiente (ISO 14001), entregados polo director de AENOR en Galicia, Martín Pita, o pasado 4 de febreiro.

En 2008 a empresa elaborou 70.000 quilos de galletas mariñeiras, acadando unha facturación de 300.000 euros. Cabe salientar se trata dunha sociedade limitada laboral, na que tódolos traballadores son á súa vez socios da mesma.

As galletas mariñeiras DAVEIGA teñen infinidade de aplicacións na cociña, como se pode ver polas moitas receitas publicadas en diversos blogs gastronómicos galegos e españois.

Hoxe traemos aquí a receita das berenxenas á parmesana sobre galleta mariñeira, unha receita publicada no blog Diario del Gourmet de Provincias y su Perro Gastrónomo.

Sobre unha galleta sucesivas capas de berenxenas, tomates, mozarella, cebola… e ao forno.

Unha tapa para sorprender.