As galletas marineras DAVEIGA foron distinguidas cunha estrela polo International Taste & Quality Institute (iTQi) polo seu sabor, aroma, textura e presentación. É a primeira vez que un produto da industria alimentaria galega recebe este galardón, que outorga o iTQi, organización radicada en Bruxelas e integrada por chefs e sumilleres e dedicada a avaliar e promover os alimentos de calidade en Europa.

So outra empresa galega (Aguas de Mondariz) ten este mesmo galardón, conseguido tamén na edición 2009.

O xurado avaliador valorou especialmente a primeira impresión causada polas galletas mariñeiras DAVEIGA, a súa textura, sabor e aroma. Cada alimento é valorado polos membros do xurado a cegas, sen envoltorios nin identificacións que permitan coñecer a orixe do mesmo, e valorase en función das súas propias calidades, sen comparalo con outros semellantes ao non tratarse dun concurso.

Na edición de 2009 o xurado analizou un total de 796 produtos, previamente selecionados, e procedentes de países de todo o mundo, dos que 525 acadaron puntuación suficiente para recibir algunha estrela e formar parte do palmarés do Superior Taste Award, considerado como a guía michelín dos alimentos.

As galletas mariñeiras DAVEIGA son unha forma de pan moi innovadora para o século XXI malia que a súa orixe veña do século XV en que constituían a base da alimentación dos barcos españois e portugueses que se lanzaron á conquista do mundo. Daquela recibían tamén o nome de biscoito e pan de barco.

Producidas en Chantada (Lugo) o emprego de materias primas producidas ou transformadas en Galicia representan mais do 80%. Fariña de trigo do país e de trigo ecolóxico, fariña e extracto de malte, manteiga, aceite de oliva, lecitina de soia, masa madre e lévedo natural son os ingredientes das distintas variedades de galletas, que se comercializan en cinco presentacións: galletas mariñeiras clásicas, sen sal, especiais para canapés, con aceite de oliva e con algas galegas. As dúas últimas variedades están amparadas polo Consello Regulador da Agricultura Ecolóxica de Galicia.

As galletas mariñeiras DAVEIGA producción responsable son unha forma de pan moi innovadora para o século XXI malia que a súa orixe veña do século XV. Preséntanse coa forma redonda dunha galleta, cun sabor propio e textura dura pero agradable para a súa mastigación. Segundo as variedades, o sabor da manteiga, do aceite de oliva ou das algas está moi presente nun produto que ten múltiples aplicacións como substituto do pan ou as galletas doces e tamén na cociña, sendo unha extraordinaria base para canapés e preparacións similares, nas que se converten nun ingrediente fundamental mentres que noutros casos o pan de molde e similares é un mero soporte.

Producidas en Chantada (Lugo) o emprego de materias primas galegas é prioritario e so se empregan materias primas foráneas nos casos en que non existan en Galicia, como pode ser o aceite de oliva ou a fariña de trigo, ambos procedentes da agricultura ecolóxica.

As materias primas empregadas na elaboración das distintas variedades de galletas mariñeiras son:

• Fariña de trigo do país, que da ás galletas mariñeiras un sabor característico.
• Fariña de trigo seleccionada, e apropiada para un proceso de fermentación longo.
• Fariña de trigo, procedente da agricultura ecolóxica, nas galletas ecolóxicas.
• Fariña de malte, que facilita a fermentación da masa sen o emprego de aditivos e da cor á galleta, evitando o emprego de colorantes.
• Extracto de malte, favorece a conservación da galleta e evita o uso de conservantes artificiais.
• Manteiga. Elaborada en Galicia con leite de vacas galegas.
• Aceite de oliva virxe, procedente da agricultura ecolóxica.
• Lecitina de soia, como emulsionante e antioxidante natural
• Lévedo natural. Emprégase masa madre para reducir o lévedo.

DAVEIGA producción responsable non emprega produtos transxénicos nas súas galletas mariñeiras.