Un ano máis as galletas mariñeiras DAVEIGA estiveron presentes no Salón da Alimentación do Atlántico (Salimat), celebrado no marco da Semana Verde de Galicia.

Os profesionais do mundo da alimentación e a hostalería e o público en xeral puideron coñecer de primeira man tódalas especialidades da nosa firma, cunha gran aceptación por parte de todos.

Na xornada inaugural o stand de DAVEIGA recibiu a visita do Presidente da Xunta de Galicia, Alberto Núñez Feijóo, momento que recolle a fotografía.

A estrela con que o International Taste & Quality Institute (iTQi) distinguiu ás galletas mariñeiras DAVEIGA polo seu sabor, aroma, textura e presentación tivo ampla repercusión na Televisión Galega. Primeiro foi o programa “A Revista” o que nos dedicou dúas reportaxes o día 26 de maio (reportaxe 1, reportaxe 2) e esta mesma semana estivemos no programa “Acompáñenos” (minuto 1:22:00).