Nestes intres Daveiga produción responsable está a participar nas I Xornadas de Nutrición clínica e dietética que se están a celebrar na Faculdade de Ciencias da USC en Lugo e que están organizadas pola Asociación Galega de Dietistas-Nutricionistas. Pola mañá, houbo mesa redonda sobre a actualidade do dietista-nutricionista na sociedade actual e dúas charlas nas que se está a falar sobre a importancia do abordaxe nutricional mediante equipos multidisciplinares e sobre a hidratación como un aspecto de máxima relevancia científica na nutrición. Pola tarde haberá outra mesa redonda na que se abordará a dietoterapia en enfermedades intestinais e logo dúas charlas máis, unha versará sobre a abordaxe nutricional no paciente oncolóxico e unha segunda charla sobre a elaboración de dietas por método de intercambio, para rematar ás oito da tarde coa clausura das xornadas.

“Para Daveiga a RSE (Responsabilidade social empresarial) é compromiso coa calidade e seguridade alimentaria, co desenvolvemento sostido e coa economía social.”

“Galletas marineras Daveiga, un producto único en el mercado español”. A nosa empresa e o traballo que facemos segue espertando interese nos medios de comunicación gastronómicos. Un verdadeiro pracer saír referenciados en Vino Gallego. Gracias!!

Dende a Asociación Galega de Dietistas-Nutricionistas están a organizar as I Xornadas de nutrición clínica e dietética que se celebrarán en Lugo o día 28 de Outubro e na que estarán presentes un grupo de ponentes de grande renombre e prestixio profesional sendo referentes pola sua experiencia no campo da nutrición e a dietética. A nosa empresa Daveiga Produción Responsable participa, como non podía ser de outro xeito, como colaboradora do evento. Para quen estea interesado en participar, deixámosvos abaixo toda a información xunto coa inscripción. Boa fin de semana para todos!

Inscripcion_I_jornadas_AGD-N_(1)

“…isa auténtica xoia que eleborástedes a partires do Pan de Barco , ademáis dotástedes ó produto dun irresistíbel e un moi poderoso sustrato lírico-poético…”

A que sona ben. Da gusto que falen así do traballo dun. Pronto vos diremos quen dixo estas palabras sobre as nosas mariñeiras.

Ata pronto.

Ola a todos. Estamos en Vendima na D.O. Ribeira Sacra!! Desde mediados de mes e ata comezos de Outubro a Ribeira Sacra atópase en plena actividade vitícola. Aquí non é doado o traballo xa que o viñedo está en ladeiras de máis do 45% de pendente o que imposibilita a mecanización,  polo que toda a actividade é manual. De feito, aínda quedan viñas inaccesibles por terra. Nestes casos, os viticultores acceden en barca a través do río, cargan as uvas na barca e regresan ata a adega. É un espectáculo ver traballar aos viticultores da nosa denominación nesas condicións. As ribeiras do Sil e do Miño ferven de actividade desde ben cedo pola mañá, e ata que o sol se pon non chega a tranquilidade ás nosas ribeiras. Aínda quedan uns cantos días de duro traballo, pero seguro que o ano que ven estaremos saboreando uns viños excelentes gracias ao durísimo traballo que adegueiros e viticultores da Ribeira Sacra realizan nestes días.

Ata pronto.

Este fin de semana estamos de festas en Chantada e celebrarase o tradicional Folión de Carros do que vos falamos, sen dúbida estas datas son unha boa oportunidade para visitar a comarca e se non o mes que vén, en que adegueiros e viticultores comezarán os traballos de vendima. Isto por non dicir que calquera época do ano é boa, como así é. E mentres Chantada se viste de festa, nós aquí seguimos dando saída ás galletas mariñeiras. Esperamos que vos gustara este paseo fotográfico pola zona. En breve proporémosvos outra nova iniciativa desde o noso blog. Atentos!!!!

Presentámosvos unha das imaxes máis bonitas que nos deixa a Ribeira Sacra na zona de Chantada, falamos de viñedo. Comezamos este repaso á zona co viñedo no verán completamente verde, tras a vendima, no outono, as cepas tínguense de amarelos e vermellos, segundo a variedade de uva. O resultado ladeiras de viñedo cara ao río que crean unha manta dourada con toques avermellados. Tedes que velo en persoa.

O entroido na Ribeira Sacra ten unha gran tradición, especialmente na ribeira de Chantada onde se celebra o que se coñece como Entroido Ribeirao. Os protagonistas son: volantes que teñen as cintas de cores e as flores como principais elementos; maragatos ou piliqueiros vestidos con roupa vella e peles de animais e os mecos, veciños disfrazados con máscaras que representan escenas diversas, xeralmente de parodia. O entroido tivo históricamente unha gran tradición na ribeira, hoxe concéntrase, principalmente, nas parroquias de Nogueira e Santiago de Arriba. Asistir a este tipo de actividade é unha viaxe á tradición e á etnografía.

Que tal vai todo?
Hoxe seguimos ensinándovos a nosa zona con algunhas das imaxes que consideramos máis interesantes. Hoxe o protagonista volve ser o río Miño. O mércores ensinabámosvolo co seu caudal baixo na parte superior do encoro de Belesar. A imaxe de hoxe corresponde ao Miño, logo da presa, é unha imaxe sacada no outono pasado, xa que na actualidade o nivel nesta parte está tamén algo máis baixo. Esta parte do río pódese navegar cun catamarán que sae do pobo de Belesar que xa vos ensinamos neste percorrido.