DAVEIGA produción responsable participou en Tomiño na xornada “Facendo país” na que un grupo de produtores galegos de alimentos de calidade presentaron a súa oferta aos membros da asociación de turismo rural Agarimo.

Xosé Lois Lamazares, Coordinador Xeral da empresa, explicou aos presentes a historia e o presente das galletas mariñeiras así coma os criterios sociais, económicos e de calidade que moven a produción das mesmas.

Posteriormente as galletas mariñeiras estiveron presentes na degustación elaborada polos cociñeiros da Quinta do Ramo (Tomiño), acadando un gran éxito entre os asistentes.